خاص للي يفهم بكلام زمان ((كلمات وجمل شعبية غير مفهومه))

بسم الله الرحمن الرحــيم

السلام عليكم ورحمة الله وبركاته
مساكم الله بالخير

كيفكم؟؟.
عساكم بخير

يا الربع انا حبيت أطرح هالموضوع لأنه فيه ناس كثير مــاصار يفهم بكلام اجدادنا
وفيه ناس يفهم على خفيف
ومن القليل تجد ناس يفهمون مررره

وأتمنى أي واحد يعرف أي كلمه قديــمه أو جمله أو أي شي يقــولنا هي
ويفهمنا ويشرح وش معناها بلهجت اليوم


وأتمنى ايضا اللي يفهم بامثال زمان يطرحها ويقولنا تطلق الامثال على من

مثلا(اللي ما يعرف الصقر يشويه)

يطلق(على اللي يضع الرجل في غير مكانه )

وأتمنى أنكم تتفاعلوا مع الموضوع عشــان ما يروح كلام وعادات وامثال اجدادنا في الهوا
ولا تختفي لهجتنا ونصير كل واحد بلهجه المكان اللي عايش هو فيه

وتقبلوا تحياتي

وأنا أول وحدة ببدأ

(الجهلة) الصغار

(إندر) أنزل

(أفلح) راح

(باطن) تحت

( أهبط السوق جهمة )

أهبط : أي أذهب مع أنها كلمة عربية فصحى إلا أن البعض ذهب على انها عامية
حيث وردت بهذا النص في القرآن الكريم ( اهْبِطُوا مِصْرًا فَإِنَّ لَكُمْ مَا ... الآية )

جهمه : وهي تقال للصباح الباكر
مثال .. يقال ... صحيت اليوم جهمه أي بدري مع الفجر أو قبلة

ولكم تحيــــــــــــــــــــــــــــــــــــــــــاتي